Дүнжингарав уралдааны үеэр гэмтсэн хүү эмнэлгээс гарчээ

Энэ асуудлаар Гэр бүл, хүүхэд, залуучуудын хөгжлийн газрын Хууль эрх зүй, хамтын ажиллагааны газрын дарга А.Энхбаатар “Уралдааны үеэр 16 хүүхэд мориноос унасан. Тэдгээрийн гурав нь хүнд гэмтсэн байсан. Шөнийн цагаар буюу үзэгдэх орчин хязгаарлагдмал үед уралдаанч хоёр хүүхэд машин мөргөж унан ухаан алдсан байсан. Тэдний нэгийг ГССҮТ-д хүргэж эмчилгээ хийсэн. Нөгөө нь Говьсүмбэр аймгийн нэгдсэн эмнэлэгт хүргүүлсний дараа эцэг, эхэд нь хүлээлгэн өгсөн. Хөл нь хугарсан гэх мэтээр 16 хүүхэд уралдааны үеэр гэмтсэн” гэж өчигдөр мэдээлж байсан.

Тэгвэл  ГГСҮТ-д хэвтэн эмчлүүлж байсан 11 настай хүүгийн эмчилгээ амжилттай болж өнөөдөр эмнэлгээс гарсан гэж Гэр бүл хүүхэд залуучуудын газраас мэдээлжээ. Одоогийн байдлаар хүүг Төв аймгийн харьяат уяач 12 настай гэж худлаа бүртгүүлсэн нь  тогтоогдоод байгаа аж.