Thursday, March 28 2024

Багш нар 300 мянган төгрөгийн нөхөн олговор авахгүй гэлээ

“Багшийн цалинг нэмүүлэх түр хороо”-ны гишүүд хэвлэлийн бага хурал хийлээ. Тэд цалингаа үе шаттай нэмэгдүүлэх шаардлагыг нь эрх баригчид тавьсан ч хүлээн аваагүй билээ. Иймд, 10 дугаар сарын 30-ны өдрөөс эхлэн орон даяар 1000 багш өлсгөлөн зарлаж, хугацаагүй ажил хаяхаар болжээ. Мөн төрийн албан хаагчдад нэг удаа 300 мянган төгрөгийн нөхөн олговор олгох Засгийн газар, УИХ-ын шийдвэрийг ч тэд эсэргүүцэж буйгаа хэвлэлийн бага хурлын үеэр мэдэгдлээ. 

Багш нар 300 мянган төгрөгийн нөхөн олговор авахгүй гэв

Энэ үеэр “Багшийн цалинг нэмүүлэх түр хороо”-ны УЗ-ийн гишүүн А.Санжмятав “Бид хоёр сарын турш тэмцлээ. Монгол Улсаа хөгжүүлэх язгуур эрх ашгийн төлөө цалингаа үе шаттай нэмэгдүүлэх шаардлага тавьсан ч хүлээн авсангүй. Монголчууд бэлэн мөнгө аваад баяжвал баяжихаар л болтол нь төр засгаас мөнгө өглөө. Бид өнгөрсөн баасан гаригт Ц.Цогзолмаа сайдтай уулзахад цалинг 50 хувь нэмэх, энэ оны төсвийн тодотголд үүнд шаардагдах эх үүсвэрийг суулгана гэж амласан ч биелсэнгүй. Иймд, багш нар 300 мянган төгрөгийн нөхөн олговрыг авахгүй” гэв.

+ There are no comments

Add yours

You May Also Like: