Сүүлийн өдрүүдэд Богдхан ууланд олон удаагийн гал түймэр гарч, багагүй хохирол учраад буй. Энэ талаар Богдхан уулын ДЦГ-ын хамгаалалтын захиргааны дарга Ц.Дуламсүрэнгээс тодрууллаа.
-Богдхан ууланд хэд хэдэн түймэрч гарч, байгаль хамгаалагчид болон онцгойгийнхон газар дээр нь олон хоног ажилласан. Түймрийг цурманд оруулж чадсан уу?-Голдуу явган аялагчдын маршрутын замын дагуу ойр ойрхон таван түймэр гарсан. Одоогийн байдлаар Залаатын амны түймрийг онцгойгийнхон унтраагаад цурман дээр нь манайхан ажиллаж байгаа. Уулын түймрийн аюултай нь модны ёроолоор үргэлжилдэг. Өдөр нь ус асгаад унтраалаа гэхэд доогуураа шатаж байгаад маргааш нь өөр газраар гараад ирдэг. Тиймээс хүн хүч, эдийн засгийн хүндрэл гарсан. Тухайлбал, Богдын дархан цаазат хамгаалалтын захиргаа зургаан мэргэжилтэн, нэг жолооч, 23 ойн хамгаалагчтай. Ийм бүрэлдэхүүнээр түймрийг гарсан даруйд нь шуурхай дарж авах боломжгүй.
-Түймэр явган аялагчдын маршрутын замын дагуу гарч байна гэлээ. Үүнийг зогсоохын тулд ямар арга хэмжээ авч байгаа вэ?
-Бидний зүгээс хуурайшилтын үед явган аялахыг зогсоох удирдамжийг баримтлан ажиллаж байна. Нийслэлчүүдийн хувьд явган аялах хамгийн ойр газар нь Богдхан уул. Гэхдээ гал түлж, тамхи татах гэх мэт буруу үйлдлүүдийг ихээр хийдэг нь асуудал болж байна.
Үүнтэй холбогдуулан тавдугаар сарын 9-нд тушаал гараад явган аялагчдыг хуурайшилтын үед аялахыг зогсоосон. Гэвч аялагчдын хөл тасраагүй. Иргэдийн зүгээс “Бид яагаад аялж болдоггүй юм, би гал түймэр тавихгүй” гэдэг. Гэвч ууланд гарсан даруйдаа гал алдсан тохиолдол олон гарч байна. Бидний хувьд үүнээс сэргийлж, ээлжийн жижүүр гарган ажиллаж эхэлсэн.
-Хуурайшилт цааш үргэлжилбэл, нөхцөл байдал улам хүндрэх магадлалтай юм байна. Газар дээр нь ажиллаж байгаа хүний хувьд цаашид галт түймрийн аюулаас сэргийлэхийн тулд ямар арга хэмжээ авах ёстой вэ?
-Энэ хавар үндсэндээ Богд ууланд арван түймэр гарсан. Сүүлийн гурван түймрийн голомт дээр манай байгууллагын бүх ажилчид өдөр шөнөгүй ажиллаж цурманд оруулсан. Нэг хэсэг нь ус зөөж авирсан бол нөгөө хэсэг голомт дээр ажиллах жишээтэй. Сүүлдээ зарим хүмүүсийн бие нь муудаад эмнэлэгт хэвтсэн тохиолдол ч бий. Онцгойгийнхон гол хүч болж байна.
Онцгой байдлын автомашин ирээд ч хүрэхгүй газрууд байгаа шүү дээ. Тиймээс 2-3 км-ийн цаанаас 20-30 литрээр нь ус зөөсөн.
-Тусгай хамгаалалттай газрыг хариуцсан яам тамгын газрууд байгаа. Тэдний зүгээс дэмжлэг үзүүлж байгаа юу?
-Салбарын яамнаас тухай бүрт дэмжлэг үзүүлээд явж байна. Саяхан л гэхэд БОАЖ-ын сайд Д.Оюунхоролын тушаалаар Хан Хэнтийн дархан цаазат газар, манай хоёрт тус бүр 10 сая төгрөгийн дэмжлэг үзүүлсэн. Үүгээр албан хаагчдын хоол хүнс, техник хэрэгслийн шатахууны хэрэгцээг шийдвэрлэж байна.
Ер нь яам тодорхой хэмжээнд ард иргэдийнхээ төлөө чиглэсэн олон ажил хийж байгаа. Үүний нэг нь Цэцээ гүний явган аяллын маршрутыг 10 сая төгрөг гаргаж янзалж өглөө. Мөн Зайсанд автомашины зогсоол, аялагчдын амрах газар гэх мэтээр иж бүрэн тохижуулахаар ажиллаж байна. Эдгээр асуудлыг шийдэж чадвал, аялагчид зориулалтын газраа амраад гал түймрийн эрсдэл төдий чинээгээр буурна.
More Stories
Монгол Улс авлигын индексээр 114-т жагсаж байна
Манай улсын энэ жилийн авлигын төсөөллийн индексийг тогтоохдоо найман эх сурвалжийг ашигласан бөгөөд 33 оноо авч 180 орноос 114 дүгээр...
Нийслэлийн хэмжээнд 179 хүнсний дэлгүүр нөөцийн мах худалдаалж байна
Засгийн газрын 2023 оны 344 дүгээр тогтоолоор баталсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд нийслэлийн хүн амын 2025...
Цагаан сарын баярыг угтан махны өргөтгөсөн худалдаа болж байна
Хүнс, хөдөө аж ахуй, хөнгөн үйлдвэрийн яам /ХХААХҮЯ/ Хүнсний үйлдвэрлэлийн бодлогын хэрэгжилтийг зохицуулах газар, Нийслэлийн Захирагчийн ажлын алба хамтран мах,...
Гучин дөрвөн настай иргэн 3 хүүхдийн хамт галд өртөж нас барсан
Цагдаагийн байгууллагад энэ сарын 05-ны 22:00 цагт “Ургах наран хорихоос хойш гал гараад байна” гэх дуудлага, мэдээлэл бүртгэгдсэн байна. Дуудлага...
”Чингис хаан” нисэх онгоцны буудлын замыг тодорхойгүй хугацаагаар хаалаа
''Чингис хаан'' нисэх онгоцны буудлаас хот руу ирэх замд зам тээврийн осол гарч, тодорхойгүй хугацаагаар зорчих хөдөлгөөнийг хязгаарлажээ. Өнөөдөр цасан...
Хүндэтгэх шалтгаанаар нийслэлд орж ирсэн орон нутгийн тээврийн хэрэгсэл 5000 төгрөгийн хураамж төлөхгүй
Нийслэлийн ИТХ-ын тогтоолоор орон нутгийн дугаартай автомашинтай иргэн нийслэлд 48 цагаас дээш хугацаанд зорчвол хоног тутамд 5000 төгрөг төлөх, харин...