УИХ-ын хаврын ээлжит чуулганыг өнөөдөр түр завсарлуулах чигтэй байгаа аж. Гэхдээ одоогоор албан ёсоор захирамж гараагүй байна. Хаврын чуулганыг 14 хоног түр завсарлуулаад зургадугаар сарын 28-нд эхлүүлэх чиглэл барьж буй ажээ.
УИХ-ын даргын дэргэдэх зөвлөл өнгөрсөн баасан гаригт хуралдаад дээрх ойлголцолд хүрсэн байна. Тиймээс өнгөрсөн даваа, мягмар гаригт УИХ дахь намын бүлгүүд, ажлын хэсгийг хуралдуулах хуваарь гаргасан аж.
УИХ-ын дэд дарга Ц.Нямдорж өнгөрсөн баасан гаригт чуулганы нэгдсэн хуралдааныг удирдах үеэрээ “Хаврын чуулганыг зургадугаар сарын 14-өөс эхлэн 14 хоногийн хугацаатай түр хугацаагаар завсарлуулах чиглэл барьж байна” гэсэн билээ. УИХ-ын даргын захирамж гарсан нөхцөлд чуулган зарлан хуралдуулахгүйгээр шууд хаврын чуулганыг түр завсарлуулах боломж нээлттэй юм байна.
Г.Намуун
+ There are no comments
Add yours