Монгол Улсын Засгийн газрын ээлжит бус хуралдаан өнөөдөр боллоо. Хуралдаанаар хос тэжээлт автомашин, шингэрүүлсэн хийгээр ажилладаг автомашин, цахилгаан тэжээлт автомашины Онцгой албан татварын хэмжээг 2017 оны долоодугаар сарын 01-ний өдрийг хүртэл “0” хувиар, 2017 оны долоодугаар сарын 01-нээс өдрөөс эхлэн 50 хувиар тогтоолоо.

Засгийн газрын уг тогтоолыг 2017 оны зургаадугаар сарын 9-нөөс эхлэн дагаж мөрдөх юм. Дээрх төрлийн автомашинуудад манай улсад хамгийн их эрэлттэй байдаг “Приус” зэрэг цахилгаан болон хос тэжээлт автомашинууд багтаж байна.

Засгийн газрын уг тогтоолтой холбогдуулан 2017 оны тавдугаар сарын 01-нээс зургаадугаар сарын 09-ний өдрийг хүртэлх хугацаанд Монгол Улсад оруулж ирсэн дээрх төрлийн автомашинуудад ногдуулсан Онцгой албан татварыг буцаан олгохоор болов.

Энэ хугацаанд 375 ширхэг хос болон цахилгаан тэжээлт, мөн хийгээр ажилладаг автомашинуудыг Монгол Улсын хилээр оруулж ирсэн бөгөөд 691 сая төгрөгийн онцгой албан татвар төлсөн байна. Уг тогтоолын хэрэгжилтийг шуурхай хангаж ажиллахыг холбогдох албаныханд үүрэг болгожээ.

Г.Намуун

Leave a Reply

Your email address will not be published. Required fields are marked *

Previous post Шөнийн болон зуслангийн тээвэр иргэдэд үйлчилж эхэллээ
Next post ГАДААД ДАХЬ МОНГОЛЧУУД САНАЛАА АМРАЛТЫН ӨДРҮҮДЭД ӨГНӨ  

More Stories

Нийслэл Улаанбаатар хотын иргэдийн өдөр “Хүрээ цам-Даншиг наадам 2026” наадмын үеэр худалдаа, үйлчилгээний  170 гаруй цэгт үйл ажиллагаа явуулахаар төлөвлөлөө

Пүрэв Дашдорж
3 days Ago

Нийслэл Улаанбаатар хотын иргэдийн өдөр “Хүрээ цам-Даншиг наадам 2026” наадмын үеэр худалдаа, үйлчилгээний талбайг соёл урлагийн болон худалдаа, үйлчилгээний талбай...