БНСУ-д монгол иргэдийн зорчиж явсан аяллын автобус осолдож, хоёр хүн гэмтжээ

БНСУ-д Монголчуудын зорчиж явсан аяллын автобус осолдож, хоёр иргэн гэмтсэн талаар тус улсын “MBN news” мэдээлжээ.

Тодруулбал, Есдүгээр сарын 15-ны өдөр буюу өчигдөр 14:50 цагийн орчимд БНСУ-ын Канвондо, Сонсан-Мён, Каннён-си, Еохеул-ри, Ёндон хурдны замын Ганнеунгийн чиглэлийн 5-р хонгилд Монголчуудын зорчиж явсан аяллын автобус осолдсон байна. Улмаар автобусанд сууж явсан 10 монгол иргэний ​​хоёр нь А (35 настай), Б (48 настай) гэмтэл авч, эмнэлэгт хүргэгдсэн бөгөөд бусад иргэдийн биеийн байдал хэвийн байгаа гэжээ. Уг осол юунаас болж гарсан нь одоогоор тодорхойгүй байна.

Эргэн сануулахад, зугаалахаар явж байсан монгол залуу БНСУ-ын Миллапо далайд живж, амь насаа алдсан харамсалтай хэрэг саяхан гарсан. Тодруулбал, өнгөрсөн зургаадугаар сарын 1-ний өдрийн 14:30 цагийн орчимд БНСУ-ын Чунчоннамдо мужийн Совон-Мён, Тэан-гун хотын Миллапо далайн эрэгт 30 орчим насны Монгол эрэгтэй А далайн усанд унаж осолдон амиа алдсан байдаг. Уг хэрэг явдлуудын манай улсын Гадаад харилцааны яам албан ёсны мэдээллийг одоогоор гаргаагүй байна.