Согтуу эр эхнэрээ хутгалжээ

Өнгөрсөн хоногийн байдлаар Улаанбаатар хотын хэмжээнд иргэд, байгууллагаас цагдаагийн байгууллагад хандаж, нийт 1780 мэдээлэл, дуудлага өгчээ. Эдгээрээс гэмт хэргийн 77, зөрчлийн 1430, согтуугийн 417, зам тээврийн ослын 273, мэдээллээс гэмт хэргийн шинжтэй 45-н үйлдэл бүртгэгдсэн байна.

Олон нийтийн амгалан тайван байдал алдагдуулах  гэмт хэрэг багагүй илэрчээ. Мөн хулгайн болон бусдын биед хүнд хөнгөн гэмтэл учруулсан хэрэг ч цөөнгүй бүртгэгдсэн байна. Тухайлбал,  “Хархорин худалдааны төв”-ийн орчимд сэжиг бүхий иргэнийг цагдаагийн алба хаагчид саатуулан нар шалгахад сайхь этгээд  Г гэгч залуу “Toyota Vitz” автомашины баруун хойд хаалганы салхины шилийг хагалж эд зүйл хулгайлан авч явсан байна.  Мөн  “Үндэсний цэцэрлэгт хүрээлэн”-гийн түрээсийн газраас унадаг дугуйгаа хулгайд алдлаа” гэсэн мэдээллийг шалгахад  түрээсээр унуулдаг  “Green Bike” унадаг дугуйг Дорнод аймгийн  харъят Ө  гэгч  хулгайлсан байжээ.

Өчигдөр үдэш 18.00 цагийн үед Сонгинохайрхан дүүргийн “Бага наран”-гийн тавдугаар гудамжинд согтуу эр эхнэрээ хутгалж гэмтээгээд хэргийн газраас зугтсан хэрэг гарчээ. Эл хэргийг үйлдсэн О гэгч 32 настай, Багануур дүүргийн харъяат юм. Тэрбээр эхнэр Г-гийн зүүн хөлийн шилбэнд хоёр  удаа, баруун хөлийн шилбэнд нэг удаа хутгалсан байжээ. Хэрэг үйлдэгчийг  эрэн сурвалжилж баривчлах үед хутга гарган цагдаагийн албан хаагч  дайрч танхайрчээ. Хэргийг Сонгинохайрхан дүүргийн Цагдаагийн нэгдүгээр хэлтэст шалгаж байна.

Г.Намуун