Цэрэгт анх удаа бүртгүүлэх бол өөрийн биеэр очно

Нийслэлийн хэмжээнд цэргийн үүрэгтэн, бэлтгэл офицеруудын бүртгэлийг энэ сарын 04-ний өдрөөс эхлэн 19-нийг хүртэл явуулна.

Цэрэгт анх удаа бүртгүүлж буй иргэд болон цэргийн үүрэгтний үнэмлэхээ гээгдүүлсэн тохиолдолд харьяа хорооны байранд өөрийн биеэр очиж бүртгүүлнэ хэмээн НЗДТГ-ын Цэргийн штабын дарга Г.Ялалт мэдээлэв.

Иргэний бүрдүүлэх бичиг баримт:

• Иргэний үнэмлэх
• Цэргийн үүрэгтний үнэмлэх
• Ажлын газрын үнэмлэх
• Цэргийн үүрэгтний үнэмлэхгүй бол 3х4 цээж зураг 2 ширхэг

Цэргийн бүртгэлд хамрагдаагүй тохиолдолд Зөрчлийн тухай хуулийн 5.17 дугаар зүйлийн 3 дахь заалтын дагуу 100 нэгжтэй тэнцэх хэмжээний төгрөгөөр торгоно.