Гэрчээр дуудагдсан Х.Баттулга гэнэт гадаад явжээ

Улсын Их Хурлын 11 гишүүний бүрэлдэхүүнтэй тус нотлох баримтыг шинжлэн судлах сонсголоор өнөөдөр /2023.12.21/ “Эрдэнэс тавантолгой” ХК-иас санхүүжүүлсэн төмөр замын төслүүд сэдвийн хүрээнд дараах 7 асуудлаар нотлох баримтыг шинжлэн судлах бөгөөд энэ хүрээнд 59 гэрчийг дуудсан байна.

Тухайлбал, Монгол Улсын Ерөнхийлөгч асан Халтмаагийн Баттулгыг гэрчээр дуудсан. Тэрээр гэнэт гадаад явсан тул сонсголд оролцох боломжгүй гэдэг хүсэлтээ өмгөөлөгчөөрөө дамжуулан ирүүлжээ.

Сануулахад, “Төрөөс төмөр замын тээврийн талаар баримтлах болдлого” батлах тухайн УИХ-ын 32 дугаар тогтоолын хавсралтаар 2010 онд баталсан байдаг.

Уг тогтоол дээр нэгдүгээр үе шатад:

-Даланзадгад-Тавантолгой 70 км,

-Тавантолгой -Зүүнбаян 414.6 км,

-Сайншанд-Баруун урт 350 км,

– Баруун урт-Хөөт 140 км,

– Хөөт-Чойбалсан 150 км

Хоёрдугаар үе шатад:

– Нарийнсухайт-Шивээхүрэн 44.6км

– Тавантолгой-Гашуунсухайт 238.5 км

– Хөөт-Тамсагбулаг-Нөмрөг 380 км

– Хөөт-Бичигт 200км зэрэг төсөл нь 2000 орчим км төмөр замын суурь бүтцээс бүрдэхээр тогтоож өгсөн.

2020 оны 11 дүгээр сарын 30-ны өдөр “Эрдэнэс Тавантолгой” ХК (66%) ба “Монголын Төмөр зам” ТӨХК (34%) ЭТТ-2020/693 дугаартай “Зүүнбаян төмөр зам”ХХК-ийн хувьцаа эзэмшигчдийн гэрээ байгуулсан байна.