Улсын хэмжээнд 18 сая төл мал бойжиж байна

Үндэсний статистикийн хорооноос Монгол Улсын нийгэм, эдийн засгийн 2023 оны эхний хагас жилийн статистик үзүүлэлтүүдийг өнөөдөр танилцууллаа.

ҮСХ-ны Нэгдсэн статистикийн газрын ахлах статистикч С.Норов, Улсын хэмжээнд 2022 оны жилийн эцэст тоологдсон төллөх насны 30.9 сая хээлтэгч малын 21 сая буюу 68.2 хувь нь энэ оны эхний хагас жилд төллөсөн.

Гарсан төлийн 85.6 хувь буюу 18 сая төл бойжиж байна. Бойжуулсан төл өмнөх оны мөн үеэс 6.4 сая буюу 26.3 хувиар буурчээ.

Том малын зүй бус хорогдол улсын хэмжээнд энэ оны эхний хагас жилд 3.9 сая болж өмнөх оныхоос 3.7 саяар буюу 17.8 дахин өссөн байна.

Хорогдсон нийт том малын 61.1 хувь нь чоно, баавгай, ирвэс зэрэг зэрлэг амьтан бариулах, мөсөнд цөмрөх, хад асгаас унах, осгох зэрэг шалтгаанаар хорогдсон бол 37.5 хувь нь байгалийн аюулт үзэгдэлд өртөж, 1.4 хувь нь өвчнөөр хорогджээ.