Захирамжид иргэдийн санал, гомдлыг эцэслэн шийдвэрлэх хүртэл тухайн барилгын архитектур төлөвлөлтийн даалгаврын биелэлтийг түдгэлзүүлж, барилга угсралтын үйл ажиллагааг зогсоохоор болсон байна.
Захирамжийг иргэд, холбогдох компанид шуурхай танилцуулж, хэрэгжилтийг Хот байгуулалт, хөгжлийн газар, Нийслэлийн Хотын стандарт, хяналтын газар, Нийслэлийн Цагдаагийн удирдах газар хангаж ажиллахаар болжээ.
Нэмэлт мэдээлэл өгөхөд тухайн Цээб компанийн барилга барих газрыг 2016 оны Нийслэлийн Засаг даргын захирамжаар контор, үйлчилгээний зориулалтаар 1380 ам метр газрыг олгосон. Энэ газарт Нийслэлийн Ардчилсан намын албан контор /төрийн байгууллагын барилга/ гэсэн архитектур төлөвлөлтийн даалгавар 2019 онд батлагдсан байдаг. Уг даалгаврын дагуу зураг нь батлагдаад барилгын ажлын зөвшөөрлийн гэрчилгээ 2020 онд гарч, гүйцэтгэгч компани барилгын үйл ажиллагаа явуулж эхэлсэн. Өнгөрсөн онд энэ барилгын ажлыг эсэргүүцэж иргэд шүүхэд хандсан ч 2022 оны есдүгээр сард иргэдийн нэхэмжлэхийг хэрэгсэхгүй болгосон шүүхийн шийдвэр гарсан байдаг юм байна.
