Говь-Алтай аймгийн 8235 малчнаа төлөөлж, 88 багаас сонгогдсон малчдын төлөөлөл малын гаралтай түүхий эд боловсруулах үйлдвэр, сүү сүүн бүтээгдэхүүн боловсруулах үйлдвэрийг байгуулахаар Улаанбаатар хотод туршлага судлаж байна.
“Алтайн малчдын түншлэл-88” төсөл хэрэгжүүлэх багийн төлөөлөл “Тод оймс” ХХК-ийн оймсны үйлдвэртэй танилцаж, тоног төхөөрөмж, хүчин чадал, түүхий эд худалдан авахаас эхлээд эцсийн бүтээгдэхүүн үйлдвэрлэх хүртэлх дамжлагуудтай танилцлаа.
