Л.Гантөмөр: Монгол XXI зуунд дэлхийн тосгон болж хоцрох ёсгүй

Ардчилсан намын дарга Л.Гантөмөр, Монгол, Англи хэлийг хөтөлгөө морь шиг авч явах алсын харааг Ардчилсан нам түүчээлэн авч явах цаг ирлээ. Англи хэл нь Монголчуудын дэлхийд нэрээ, мөрөө гаргаж, ухаанаа уралдуулах гарц юм хэмээн мэдэгдэв.

Тэрбээр, орчин цагийн хүүхдүүд YouTube үзэж хэлд орж цахим мэдээллийн хил хязгааргүй орчинд харилцаанд орох энэ цаг үед бид оршиж байна. Монгол хүүхэд англи хэлийг унаган хэл шигээ эзэмшиж чадвал дэлхийн хүн болоход хэдэн арван шатаар ахих боломжтой байхад Eрөнхий боловсролын сургалтад аль болох олон цагаар Англи хэл заах ёстой хэмээсэн.

Учир нь өнөөдөр Боловсрол соёл шинжлэх ухаан,спортын байнгын хорооны хуралдаанаар Боловсролын ерөнхий хуулийн шинэчилсэн найруулгын төслийг хэлэлцэх үеэр Ж.Чинбүрэн гишүүний оруулж ирсэн “Бүх шатны боловсролын байгууллагын судлах үндсэн гадаад хэл нь англи хэл байна” гэх заалтыг хасах зарчмын зөрүүтэй санал нь түүнийг ийнхүү бухимдуулахад хүргэсэн аж.

Ямартай ч цагтаа ертөнцийн төв байсан Монгол XXI зуунд дэлхийн тосгон болж хоцрох ёсгүй. Англи хэлтэй дэлхийн монгол иргэн манай хөгжлийн нэгэн чухал түлхүүр гэж би итгэдэг хэмээн хэвлэлийнхэнээр дамжуулан эрх баригч намын нөхөд рүү хандсан Л.Гантөмөрийн хувьд УИХ-ын гишүүн бол иргэдийг төлөөлж төр түшиж байгаа иргэн бөгөөд иргэдийн нийтлэх эрх ашгийг хангасан бодлого шийдвэр гаргах учиртай. Тиймээс маргаашийн УИХ-ын нэгдсэн чуулганаар Ж.Чинбүрэн гишүүний санаачлан байнгын хорооны гишүүдийн дэмжсэн саналыг хэрхэн шийдвэрлэхийг харах л үлдлээ. Харамсалтай байна хэмээсэн.

Харин олон нийт асар ихээр шүүмжлэлтэй хандаж, бухимдсан Ж.Чинбүрэнгийн саналыг Сонгинохайрхан дүүргээс сонгогдсон Н.Учрал, Н.Батшугар, Б.Жаргалмаа, Хөвсгөл аймгаас сонгогдсон Л.Энх-Амгалан, Өвөрхангай аймгаас сонгогдсон С.Чинзориг, Дундговь аймгаас сонгогдсон Г.Мөнхцэцэг, Завхан аймгаас сонгогдсон Б.Баярсайхан нарын гишүүд дэмжив. Эдгээр гишүүдийн хувьд “Бүх шатны боловсролын байгууллагын судлах үндсэн гадаад хэл нь англи хэл байна” гэсэн заалтыг байнгын хорооны түвшинд унагаж хуульд өөрчлөлт оруулах нь яагаад ийм чухал байсан нь удахгүй тодорхой болох биз ээ.