“Ирэх долоо хоногт үе үеийн дүүргийн Засаг дарга нарын газар олголтын мэдээллийг ил болгоно“

ЦХХХ-ны сайд Н.Учрал Засгийн газраас зарласан “Шилэн” ажиллагааны талаар болон өнөөдөр нийтэд ил болж буй сангуудын талаар мэдээлэл өглөө.

Тэрбээр энэ үеэр “2021-2023 онд Улаанбаатарт олгосон ашиглах, эзэмших зориулалттай газрын мэдээллийг нэмж оруулсан. Дүүргүүдийн газар олголтын мэдээллийг шаардаж байгаа. Одоогоор долоон дүүргээс үе үеийн Засаг дарга нарын газар олголтын мэдээллийг ирүүлсэн. Тэгэхээр ирэх долоо хоногт үе үеийн дүүргүүдийн Засаг дарга нарын газар олгосон мэдээлэл нь ил болно гэсэн үг. Мөн өнөөдөр нийслэлийн өмчит 18 хуулийн этгээдийн 119 ТУЗ-ийн гишүүдийн нэрс, цалингийн мэдээллийг нээлттэй байршлаа” гэлээ.