Шаардлага тавьсан иргэнийг бүлэглэн зодсон охидыг олж тогтоожээ

Цагдаагийн байгууллагад 2023 оны дөрөвдүгээр сарын 8-ны 10:36 цагт “Лифтэнд олуулаа суулаа” хэмээн шаардлага тавьсны төлөө намайг зодлоо гэх дуудлага, мэдээлэл бүртгэгджээ.

Дуудлага, мэдээллийг шалгахад Сонгинохайрхан дүүргийн 38 дугаар хороо Залуус хорооллын байрны оршин суугч иргэн У лифтэнд олуулаа суулаа гэж шаардлага тавихад 3-4 охин бүлэглэн бие эрх чөлөөнд нь халдаж, зугтсаныг тус дүүргийн Цагдаагийн газрын нэгдүгээр хэлтсээс хэрэг бүртгэлтийн хэрэг нээн, хохирогчийн биед учирсан гэмтлийг тодорхойлуулахаар шинжээч эмчийг томилон холбогдогч нарыг эрэн сурвалжилж байна.

Иргэний бие, эрүүл мэндэд халдсан гэх гурван эмэгтэйг олж тогтоон шалгалтын ажиллагааг үргэлжлүүлж байна.

Эх сурвалж: Цагдаагийн Ерөнхий Газар