Сүхбаатар аймагт цасаар шуурсны улмаас үзэгдэх орчин хязгаарлагджээ

Өчигдөр шөнөөс эхлэн Сүхбаатар аймгийн ихэнх нутгаар цас орж, цасан шуурга шуурсан байна. Цаг уурын байгууллагаас мэдээлснээр үзэгдэх орчин хязгаарлагдмал болж, салхи секундэд 12м хүрч, агаарын температур -8 градус, салхины өрөвхийлөлт 17м/с-д хүрчээ. Цаашид ихэнх нутгаар цас орж, хүчтэй салхи салхилна гэлээ.

Иймээс иргэд, олон нийт онцын шаардлагагүй бол холын замд гарахгүй байх, машин техникийн бүрэн бүтэн аюулгүй байдлаа хангах, өндөр настай болон бага насны хүүхдийг мал хариулгад явуулахгүй байх, гарч болох эрсдэлээс урьдчилан сэргийлэхийг холбогдох УЦУОШТ-өөс санууллаа.