Ачааны машиныг мөргөж, хоёр иргэн амиа алджээ

Зам дээр байсан ачааны автомашин мөргөсөн зам тээврийн ослын улмаас хоёр хүн амиа алджээ.

Тодруулбал, цагдаагийн байгууллагад өчигдөр 08:30 цагт Завхан аймгийн … суманд “Зам тээврийн осол гарсан байна” гэх дуудлага, мэдээлэл бүртгэгдсэн байна.

Энэ дагуу Тосонцэнгэл сумын сум дундын цагдаагийн хэлтсээс шалгахад Toyota Prius маркийн суудлын тээврийн хэрэгсэл замын зорчих хэсэгт эвдрэл гарч үлдээсэн байсан Mazda Titan маркийн ачааны тээврийн хэрэгслийг мөргөсний улмаас онхолдож, жолоодож явсан 17 настай, эрэгтэй болон зорчигч 29 настай, эрэгтэй нар амь насаа алдсан болохыг тогтоож, хэрэгт мөрдөн шалгах ажиллагаа явуулж эхэлжээ.

Иймд жолооч нар орон нутгийн замд зорчихдоо цаг агаарын болон замын нөхцөл байдлын талаар мэргэжлийн байгууллагаас өгч буй мэдээллийг авч тээврийн хэрэгслийн бүрэн бүтэн байдлыг сайтар хангах, замын хөдөлгөөний дүрмийг баримтлан хурд хэтрүүлэхгүй байх, жолоодох эрхийн үнэмлэхгүй хүнээр тээврийн хэрэгсэл жолоодуулахгүй байхыг цагдаагийн байгууллагаас анхаарууллаа.