Үнийн хөөрөгдлийг эсэргүүцэж жагссан жагсаал үргэлжилсээр байна. Энэ талаар Буян ХХК захирал Б.Жаргалсайхан цахим хаягаараа дамжуулан залууст зориулж үг хэлжээ. Тэрээр “Харанхуй болтол жагсах хэрэг байсан уу. Яахав дээ толгойлогчгүй, зохион байгуулагч байхгүй болохоор аргагүй л дээ. Одоо ар гэрээс нь дуудах хэрэгтэй. Одоо та нарыг өдөх, хэрүүл тэмцэл үүсгэх хөлснийхөн пиг дүүрэн байгаа. Ордны цонх хагалуулаад цагдаатай мөргөлдүүлэх баривчлуулах бодлого хэрэгжиж мэднэ. Гүтгэнэ, тархи угаалт явагдана, мушгин гуйвуулна, “Бид тэгээгүй” гэж мянга хэлээд нэмэргүй, мөнгө төгрөг авсан, өгсөн мэт зориуд тараана. Хэн нэгний хөлсөөр жагсагч мэт харуулна. Өдөр хөлсөөр жагсдаг, таван цаасаар биеэ үнэлдэг нөхдүүд, троллууд ирээд явсан даа. Тийм муухай харагдаж байгаа биз. Тэр нар ил цагаан гүтгэнэ. Дүү нар одоо хариад маргааш гэгээтэйд жагс. Та нарыг бага дээр нь дарах гээд баахан цагдаа авчирсан байна. Энэ аюул шүү. Хэлмэгдэнэ, буудуулж ч мэднэ шүү дүү нараа. Та нар шиг гэнэн цагаан залуусыг яаж нухчин үгүй хийдгийг ах нар нь хангалттай амссан учраас өмнөөс нь айж байна. Цагдаа нар хааж боохоос илүү зөвлөх, заах үүрэг хүлээгээсэй дээ.” гэв.
