Цахилгаан шатанд хүн зодож, дээрэмдсэн 13-16 насны хөвгүүдийг баривчилжээ

Цагдаагийн байгууллагад 2022 оны 03 дугаар сарын 27-ны өдөр 23.50 цагт “Сонгинохайрхан дүүргийн 16 дугаар хороо … байрны орцонд согтуу хоёр хүн зодуулж дээрэмдүүлсэн” гэх мэдээлэл ирүүлжээ. Мэдээллийг Сонгинохайрхан дүүрэг дэх цагдаагийн газрын гуравдугаар хэлтсээс шалгахад 49 настай Д, 48 настай Б нар нь архи согтууруулах ундааны зүйл хэрэглэсэн үедээ тус байрны цахилгаан шатанд дөрвөн хүнд зодуулж, дээрэмдүүлсэн байна. Тус хэргийг 16 настай М, 15 настай Б, 13 настай Ч, 16 настай Н нар бүлэглэн үйлдсэнийг Сонгинохайрхан дүүргийн нутаг дэвсгэрээс дайчлан баривчилж мөрдөн шалгах ажиллагааг явуулж байна.