Автобус явган зорчигч дайрчээ

Сүхбаатар дүүргийн нэгдүгээр хорооны нутаг дэвсгэрт буюу Төв шуудангийн урд нийтийн тээвэр хүн дайрсан осол гарчээ. Өнөөдөр 09.30 цагийн үед Нисэх-МУБИС чиглэлийн автобус гарцаар гарч явсан иргэнийг дайрсан байна.

ТЦА: “Хэргийн газар үзлэг хийж, шалгалтын ажиллагаа явагдаж байна. Хохирогчийг түргэн тусламжийнхан ирээд ГССҮТ-рүү авч явсан” гэсэн мэдээлэл өглөө.

Харин автобусны жолооч: “Ногоон гэрлээр, дүрмээрээ замын хөдөлгөөнд оролцсон. Гэнэт гарцаар нэг хүн гараад ирсэн. Автобусыг тоормослосон ч халтиргаа их байсан учир зогсоогүй. Автобус зорчигчтой явж байсан” гэлээ.