Батлан хамгаалах салбарын 2100 гаруй машин ажлын цагаар хөдөлгөөнд оролцохгүй

Автозамын ачааллыг бууруулахад хувь нэмрээ оруулахаар Батлан хамгаалах яам, түүний харьяа төсөвт болон төрийн өмчит байгууллагууд, Зэвсэгт хүчний Жанжин штаб, Улаанбаатар цэргийн хүрээний нэгтгэл, ангиудын алба хаагчид хувийн автомашиныг ажлын цагаар хэрэглэхгүй байхаар болжээ.
Тиймээс энэ салбарын алба хаагчдын 2161 автомашин өнөөдрөөс замын хөдөлгөөнд оролцохгүй бөгөөд тусгай үйлчилгээний автобусаар алба хаагчдын тээвэрлэх бол албан хэрэгцээнд ашиглагдаж буй албан ажлын болон дуудлагын автомашины тоог 60 хувиар бууруулах ажээ.