Сайжруулсан түлш хямдралтай үнээр борлуулагдаж байна

Цар тахлын хэцүү үед Тавантолгой түлш компани түлшээ 937.5 төгрөгөөр худалдаж байгаа ч чанарын шаардлага хэвээрээ, цаг үеийн ачаалал өмнөх жилүүдийнхээс ч илүү байлаа. Олон жилийн дунджаас илүү хүйтэрч, тэр чинээгээр түлшний хэрэглээ нэмэгдснийг бүгд л мэдэхийн дээдээр мэдэж байгаа. 3 жилийн өмнө зөвхөн утаа ярьдаг байсан хүмүүс өнөөдөр хүхрийн хий ярьдаг болсон байна. Иргэд шаардлага тавьж сурчээ, нэг үеэ бодвол. Олон нийтийн сүлжээнд “ХЭРСҮҮ” байхыг сануулсаар л байгаа.
Сайжруулсан шахмал түлш үйлдвэрлэхдээ “Таван толгой түлш” ХХК тодорхой чиг үүргийн болоод мэргэжлийн хяналтын байгууллагуудын шаардлага, шалгалтын доор хорт хийн 3 стандарт баримталж ажилладаг.
56192019 тоот стандартын дагуу үйлдвэрлэлээ явуулж, агаарын бохирдлыг 3 жилийн өмнөхөөс 50 хувь бууруулан, үзэгдэх орчны талбайг ихэсгэсэн, хэн ч маргахгүй.
Ялгаруулж байгаа хүхэрлэг хийн хувьд Монгол улсын стандарт 1 гэж заасан бол байдгаас Таван толгойн сайжруулсан шахмал түлшний үзүүлэлт 0,8-0,96 хэлбэлзэж байгаа.
Жайка ОУ-ын хамтын ажиллагааны байгуулагааас хүхэрлэг хийн ялгарлын судалгаа хийсэн байдаг. Энэ судалгаагаар хүхэрлэг хийн 70 орчим хувь нь цахилгаан станцаас, 22-23 хувь нь автотээврийн хэрэгсэл болоод төвийн шугам сүлжээнээс алслагдсан халаалтын зуухнууд, 7-8 хувь нь сайжруулсан түлшнээс хамааралтай гэж үзсэн байхад “Хэргийн эзэн-цахилгаан станц, Хэнгэрэгийн дохиур- шатахуун”-ыг сайжруулах талаар ярихгүй байгаа нь юуных вэ…
2017 онд цахилгаан станцууд 4,5 сая тонн түлш хэрэглэдэг байсан бол 2019 онд 5 сая тн нүүрс хэрэглэн, 2020 онд 6 сая тоннд хүрсэн байна.
Жил бүр авто тээврийн хэрэгсэл нэмэгдэж байна. Манайд Евро2,3 стандартын шатахуун хэрэглэдэг.
Агаар Орчны Бохирдлыг Бууруулах Үндэсний хөтөлбөрөөр: “2019 он гэхэд тээврийн хэрэгслийн 50 хувь нь Евро 5 ангиллын шахатахуун хэрэглэн, 2025 он гэхэд 80 хувьд шилжинэ” гэсэн зорилт тавьсан ч өнөөг хүртэл биелэгдэхгүй яваа нь харамсалтай.
Би дахиад хэлье. Манайх 15-50 дахин их хүхрийн хий ялгаруулдаг шатахуун хэрэглэж байна.
Цахилгаан станцуудад тоосонцор бууруулдаг шүүлтүүр байдаг болохоос хүүхэрлэг хий ялгадаг шүүлтүүр байхгүй. Хүхэрлэг хийн шалтгаан энэ.

ЭХ СУРВАЛЖ: Таван толгой түлш