Э.Бат-Үүл: Ц.Нямдорж С.Зориг агсны хэргийн захиалагчтай холбоотой юм биш үү

Нийслэлийн АН-ын дарга Э.Бат-Үүл цаг үеийн асуудлаар мэдээлэл хийж байна. Тодруулбал Засгийн газар 100 хоногийн ажлаа тайлагнах үеэр ЗГХЭГ-ын дарга Ц.Нямдорж сэтгүүлчдийн асуултад хариулахдаа “Ц.Амгаланбаатарын мэдүүлгээр энэ хэргийн захиалагчаар Э.Бат-Үүлийг татсан. Ц.Амгаланбаатар 2014 оноос хойш Э.Бат-Үүлийн талаар ярьсан. Э.Бат-Үүлээс байцаалт авах ёстой байтал ямар ч байцаалт аваагүй” гэж хэлсэн.
Тэгвэл үүнтэй холбогдуулан Нийслэлийн АН-ын дарга Э.Бат-Үүл өнөөдөр хариу мэдэгдэл хийж байна. Тэрээр “Би энд тайлбар хийх гэж ирээгүй. мэдэгдэл хийх гэж ирсэн. 2009 оны 4 сард миний бие Хууль зүйн сайдын нэр дээр олон жил Г.Зоригийг алсан хэрэгтэй холбогдуулан зохион байгуулалттай гүтгэх явдал болсон. Зохион байгуулалттайгаар гүтгэж байгаа цаад эздийг олж өгч үнэн мөнийг тогтоож өгөөч гэж хүсэлт гаргасан. Мөн ерөнхий прокурорт тавьсан. Надад энэ нь хууль зүйн яамны төрийн нарийн бичгийн дарга Билгүүнээс хариу ирсэн. Таны тавьсан хүсэлт холбогдох байгууллага Прокурорын байгуулгад шилжүүллээ гээд, Прокурорын байгууллагаас нийслэлийн Прокурорын газарт шилжүүллээ гэсэн хариу ирсэн. Миний нэр дээр. Өнөөдрийг хүртэл би энэ хэргийн хариуг хүлээж суугаа.

Сүүлийн үед сайд Ц.Нямдоржийн хачин авируудыг хараад байх тусам. Би хүсэлтээ буруу өгч явуулсан юм шиг байна. Тэр үед Хууль зүй дотоод хэргийн сайд Ц.Нямдорж байсан. Ер нь би хүсэлтээ буруу хүнд хаяглаж өгсөн юм байна гэсэн сэтгэгдэл төрөх боллоо. Ялангуяа Ц.Нямдорж Г.Зориг агсны хэргийн захиалагч байж болзошгүй санаа бүхий зүйлүүдийг энэ хэргийг шалгаж байсан албаны хүмүүсийн ярьж байсан нь би сүүлийн үед их үндэстэй юм болов уу гэж бодож байна. Өөрөөр хэлбэл Ц.Нямдорж Г.Зориг агсныг алах захиалагчтай холбоотой юм биш үү гэсэн ийм бодол улам бүр төрөх боллоо гэдгийг мэдэгдэхийг хүсэж байна.