Тооцоолол: 28 хоног хөл хорио тогтоовол VII сард арваас доош тохиолдол бүртгэгдэнэ

ХӨСҮТ-ийн дэд захирал Ж.Байгалмаа хөл хорионы тухай мэдээлэл өглөө.

“Хатуу хөл хориог ямар хугацаанд тогтоохоос шалтгаалан үр дүн гарна. Энэ хугацаанд өвчлөлийн нөхцөл байдал тодорхой хэмжээгээр саарна. Өнөөдөр 885 тохиолдол бүртгэгдлээ. Эдгээр тохиолдлууд нууц үедээ байсан гэж ойлгож болно. Бид хөл хорионы үр дүнг харах хараахан болоогүй байна. Бид тодорхой тооцооллыг хийсэн. Эхний ээлжид 15 хоног хөл хориод, дархлаажуулалтын үр дүн 70 хувьтай байна гэж үзэхэд , 15 хоногийн хөл хорионы дараа өдөрт бүртгэх тохиолдлын тоо бага зэрэг буурна. Ингээд 15 хоногийн дараа халдвар авсан тохиолдлын тоо тодорхой хэмжээгээр өсөхөөр харагдаж байна.

28 хоног хөл хорио тогтоогоод, дархлаажуулалтын үйл ажиллагааг үр дүнтэй явуулж, дархлал тогтоцийг 70 хувь байлгавал, долдугаар сарын 1-н гэхэд халдварын тохиолдлын тоо 20 ба 10-аас доошоо байх тооцоолол хийсэн. Өвчлөлийн нөхцөл байдал өдөр бүр өөр, өөр болж буй учир өнөөдрийн тооцооллыг маргааш хийхэд мөн өөр тооцоолол гарах тухай иргэд ойлгох хэрэгтэй гэв. Мөн хөл хорио эмнэлгийн ажилчдад амьсгаа авах боломж олголоо гэлээ.