Л.Энх-Амгалан: Та нар ломбард биш. Мөнгө хүүлээд сууж болохгүй.

Боловсрол, шинжлэх ухааны сайд Л.Энх-Амгалан өчигдөр их, дээд сургуулиудын захирлуудтай уулзжээ.

Уулзалтын үеэр тэрбээр дараах байр суурийг илэрхийлсэн байна. Тухайлбал “Нэг сайд ирээд өмнөх сайдын гаргасан шийдвэрийг өөрчилдөг, улстөрждөг, салбараа ялгаж харьцдаг байж таарахгүй. Энэ байдал боловсрол, шинжлэх ухааны салбарт байх ёсгүй. Шийдэх ёстой бол заавал хууль хүлээхгүйгээр тушаал гаргаад явна.

Хувийн их, дээд сургуулийн алдаа оноог нийтээр нь хавтгайруулж харлуулдаг. Холбогдох хууль журам бусад хөтөлбөр, төслөөс хасдаг биш чанартай сургуулиудыг бодлогоор дэмжинэ. Энэ нь төрийнх энэ нь хувийнх гэж ялгаж харьцахгүй.

Кембрижийн боловсролыг хуулах биш Кембриж хүлээн зөвшөөрөхүйц Монгол стандарт бий болгох хэрэгтэй. Оюутны хөгжлийн зээлийн санг өөрчлөхгүй бол ЖДҮ шиг болж мэдэхээр болсон байна.

Сургуулийн газраа зарсан захирлуудыг шууд хална. Төрийн өмчит сургуулиудын 104 тэрбум төгрөг арилжааны банкуудад байршуулсан байна. Та нар ломбард биш. Мөнгө хүүлээд сууж болохгүй. Төрийн мөнгө төрийнхөө саванд байх ёстой. Эзэн нь юмаа мэдэж эрэг нь усаа хашина” хэмээсэн байна.