Сүүлийн үед онлайн сүлжээгээр “Их хэмжээний мөнгийг бага хүүтэй зээлүүлнэ” гэх хуурамч зарууд ихээр явах болсонтой холбогдуулан Эрүүгийн цагдаагийн албаны Цахим гэмт хэрэгтэй тэмцэх хэлтэс сэрэмжлүүлэг гаргасан байна.
Тодруулбал, хуурамч хаяг үүсгэн өөрийгөө банк санхүүгийн байгууллагад өндөр албан тушаал хашдаг гэх мэтээр бусдад ойлгуулж, зээлийн бичиг баримт орчуулгын төлбөр, мөнгө шилжүүлэх хураамж зэргээр мөнгө шилжүүлэхийг шаардсан залилангийн гэмт хэрэг гарах болжээ.
Гэмт этгээдүүд хохирогчдын итгэлийг олохын тулд “Google.translate” ашиглан монголоор бичих, монгол хүний нэр зураг ашиглан хуурамч фейсбүүк хаяг нээн, зээл өгсөнд баярлалаа гэх мэт худал мэдээлэл тараах, хуурамч бичиг баримт зураг янзалж өөрчлөн явуулах зэрэг олон арга ашиглаж байгаа тул иргэд та бүхэн энэ төрлийн гэмт хэрэгт өртөхөөс болгоомжлохыг Эрүүгийн цагдаагийн албаны Цахим гэмт хэрэгтэй тэмцэх хэлтэс сэрэмжлүүллээ.
Г.НАМУУН
ийм эргүү зүйлд итгэж байгаа бол тэгээд л толгой нь олгой болчихсон гэсэн үг биздээ
Amar argaar mungu olox gesen ergvvnvvd zolios boldog bhoo