Д.Нямхүү: 315 хүний шинжилгээний хариу халдваргүй гарлаа

ХӨСҮТ-ийн захирал Д.Нямхүү: “2020 оны дөрөвдүгээр сарын 28-нд ХӨСҮТ болон Монгол улсын хэмжээнд коронавируст халдварын сэжигтэй тохиолдол бүртгэгдээгүй. ХӨСҮТ-ийн хоёр лаборатори, Дархан-Уул аймгийн лабораторид 315 хүнд шинжилгээ хийхэд коронавирус илрээгүй. ХӨСҮТ-д тусгаарлагдсан 112, Цэргийн төв эмнэлэгт тусгаарлагдсан 2, ажиглах байранд тусгаарлагдсан 25 хүний давтан шинжилгээнд коронавирус илрээгүй байна. Дорноговь аймгийн Замын-Үүд суманд тусгаарлагдсан 6, Сос мэдикал эмнэлэгт тусгаарлагдсан 1, тандалтын зорилгоор хийсэн 116 хүний шинжилгээнд коронавирус илрээгүй. Дархан-Уул аймагт 59 хүнд шинжилгээ хийсэн байна. ХӨСҮТ-ийн хоёр лабораторид 256 хүнд шинжилгээ хийсэн. ХӨСҮТ-ээс тусгаарлалтын хугацаа нь дууссан 80 хүнийг шилжүүлэн гаргалаа. Мөн ажиглах байранд байсан 154 хүнийг тусгаарлалтаас гаргалаа” гэв.