Төмөр замаар тээвэрлэх төр, хувийн хэвшил, иргэдийн ачаа өдөр бүр өсөхийн хирээр УБТЗ-ын тээх нэвтрүүлэх хүчин чадлыг нэмэгдүүлж, төмөр замын тээврийн тасралтгүй найдвартай байдлыг хангах зайлшгүй шаардлага тулгарч байна. Тийм учраас УБТЗ өөрийн нэвтрүүлэх хүчин чадлыг нэмэгдүүлэх орчин үеийн шинэ системийг ашиглаж эхлэхэд бэлэн болоод байна. Өмнө нь хоёр өртөө, зөрлөгийн хоорондын замд зөвхөн нэг галт тэрэг аялдаг байсан бол энэхүү системийг ашиглаж эхэлснээр хэд хэдэн галт тэрэг ар араасаа зэрэг аялах бололцоотой болох юм. Ингэснээр төмөр замын хөдөлгөөн улам эрчимжиж, төмөр замын гармын эзэлгээтэй байх хугацаа уртсах болно. Өөрөөр хэлбэл өмнө нь нэг галт тэрэг төмөр замын гармаар нэвтрэн өнгөрөхөд 3-4 минут зарцуулдаг байсан бол одоо 2-3 галт тэргийг явж өнгөртөл төмөр замын гарам нээгдэхгүй тул жолооч зорчигч нар хүлээх шаардлагатай болох юм.
Энэхүү шинэ систем ашиглалтад орсны дараах анхны багц галт тэрэгний аяллыг УБТЗ амжилттай зохион байгууллаа. Эдгээр галт тэргийг нийслэлийн авто тээврийн хөдөлгөөнд саад учруулахгүйн тулд шөнийн цагаар тав таван минутын зайтайгаар аялуулсан бөгөөд эдгээр багц галт тэргийг Улаанбаатар хотод байдаг хэд хэдэн төмөр замын гармаар нэвтрэн өнгөрөх хугацаанд эдгээр гармууд дунджаар 17 минут хаалттай байлаа. Цаашдаа багц галт тэргийг өдрийн цагаар ч аялуулах учраас нийслэл болон хөдөө орон нутгийн гармаар жолооч, явган зорчигч нар нэвтрэхдээ нэг галт тэрэг явж өнгөрсний дараа дахин галт тэрэг явахгүй гэсэн хэвшсэн ойлголтоороо төмөр замын аюултай бүс-гарам руу нэвтэрч эрсдэлд учрах аюулаас сэрэмжлүүлж байна.
Төмөр замын болон авто тээврийн хөдөлгөөн улам эрчимжиж байгаа учраас Улаанбаатар хотод байдаг хамгийн их ачаалалтай хоёр гармыг яаралтай ижил бус түвшний гүүрэн замтай болгох асуудал чухлаар тавигдаж байна.
Мэдээллийн эх сурвалж: “УБТЗ” ХНН
More Stories
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Газрын тос боловсруулах үйлдвэрийн бүтээн байгуулалт 60 хувьд хүрчээ
Монгол Улсын Ерөнхийлөгч Ухнаагийн Хүрэлсүх Дорноговь аймагт ажиллах үеэрээ Газрын тос боловсруулах үйлдвэрийн бүтээн байгуулалтын явцтай танилцав. “Чингис хаан баялгийн...
Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо
Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...
Шатахуун ба дэлхий дахин
Нэг. Гэрэл харагдна уу? Хармсалтай нь бүүдгэр хэвээр. Трамп гуайн үүсгэсэн дайны уршиг засагдах янз одоогоор лав алга. Хэл амаа...
Монгол Улсын Ерөнхийлөгч Ухнаагийн Хүрэлсүх Орхон аймагт ажиллаж байна.
Ерөнхийлөгчийг аймгийн төв талбайд хүрэлцэн ирэхэд Эрдэнэт цэргийн хүрээний хүндэт харуул угтаж авлаа. Ерөнхийлөгч улс орныхоо нийгэм, эдийн засгийн хөгжилд...