Уг осол энэ сарын 08-нд Дорноговь аймгийн нутагт болжээ. Хэнтий аймгийн Стастистикийн хэлтсийнхэн Дорноговь аймгийн Хамрын хийд рүү аялалаар явах замдаа осолд орсон гэнэ. Ослын улмаас тус хэлтсийн хоёр ажилтан, эмнэлгийн машины жолооч нар хүнд гэмтэж эмнэлгийн тусламж авсан байна. Осолд орж гэмтсэн хүмүүс аймгийнхаа нэгдсэн эмнэлэгт эмчлүүлж байгаа аж. Харин осолд орохдоо унаж явсан тээврийн хэрэгсэл нь энэ оны тавдугаар сард болсон Ерөнхий Сайд У.Хүрэлсүхийн айлчлалын үеэр аймгийн нэгдсэн эмнэлэгт түргэн тусламжийн зориулалтаар хүлээлгэн өгсөн УАЗ фургон маркын машин аж.
Тухайн өдөр хүнд өвчтөн авч Улаанбаатар хот явахаар бэлдэж байсан ч статикстикын хэлтсийн дарга Т.Өлзийсүрэнгийн гуйлтаар Нэгдсэн эмнэлгийн даргын үүрэг гүйцэтгэгч Т.Урнаа зөвшөөрч уг машинаыг өгч явуулжээ. Осол гаргасан тээврийн хэрэгслийг Дорноговь аймгийн Айраг суманд байлгаж байгаад энэ сарын 10-ны өдөр Улаанбаатар хотруу шууд ачуулжээ.
Т.Урнаа гэх Нэгдсэн эмнэлгийн даргын үүрэг гүйцэтгэгч нь анхлан томилогдсон үеэсээ л хэл ам дагуулсаар байгаа нэгэн юм байна. Үүрэгт ажлаа хийж байсан Нэгдсэн эмнэлгийн өмнөх удирдлагыг ажлаас нь чөлөөлүүлж ирэхдээ өмнөх ажлаа ч өгөөгүй байсан бөгөөд хамт олон нь хүртэл хууль бус томилгоог хүлээн зөвшөөрөхгүй эсэргүүцэж байсан хэдий ч МАН ямар хүчтэй болохыг харуулж одоог хүртэл дураар авирлуулсаар байгаа хэмээн ойрын эх сурвалж өгүүлсөн юм. Уг эх сурвалж, жолоочийн тойгоны яс гэмтэж, мэс засал хийлгэсэн, эмчлүүлж байгаа бөгөөд Т.Өлзийсүрэн гэгч нь Гадаад хэргийн яам руу албан тушаал дэвшин шилжсэн гэнэ. Эндээс харахад, МАН-ы үед алдаа гаргасан болгон дээшлэн дэвшиж ажлаа хийсэн нь хохирдог нь жирийн үзэгдэл болжээ, Хэнтийн удирдлагууд У.Хүрэлсүхтэйгээ адил хариуцлага ярьдаг ч хөрсөн дээр буухгүй байгаагийн тод илрэл хэмээн бухимдаж байна.
Эх сурвалж: Г.Саруул
