Охины цогцос олдсон гэх мэдээллийг шалгаж байна

Харин өнөөдөр зарим хэвлэл мэдээллийн байгууллага “Б.Ундармаа охины цогцосыг олсон тухай мэдээлэл цацаж эхэлсэн байна. Тухайн мэдээлэлд Налайх дүүргээс 11 настай охинд хутга тулган Нийслэл хотод авчирч хүчирхийлсэн гэмт хэрэгтэн Т нь цагдаагийн алба хаагчдад баригдаж, байцаалт мэдүүлэг өгөх үеэрээ “Ундармаа охиныг хүчирхийлж байх үед нас барсан учраас цогцсыг ууланд булсан гэсэн мэдүүлгийг өгсөн” хэмээн мэдээлсэн билээ.

Угтаа бол Налайх дүүргээс 11 настай охиныг хутга тулгаж, Нийслэл хот руу авчирч улмаар хүчирхийлэхийг завдаж байхад нь Сонгинохайрхан дүүргийн цагдаагийн алба хаагчид илрүүлсэн байна. Дээрх цогцос олдсон гэх мэдээллийг цагдаагийн байгууллагаас шалгаж байгаа бөгөөд эцсийн байдлаар батлагдаагүй байгаа аж.

Энэ талаар албаны эх сурвалжаас тодруулахад, Дээрх хэвлэл мэдээллээр цацагдаж эхэлсэн мэдээлэл ор үндэслэлгүй. Сэлэнгэ аймгийн Жавхлант суманд 2019 оны дөрөвдүгээр сарын 14-ний өдөр Б.Ундармаа гэх есөн настай охин алга болоод өнөөдрийг хүртэл олдоогүй байна. Зарим хэвлэл мэдээллийн хэрэгслээр охиныг амь насаа алдсан байдалтайгаар олдсон гэх мэдээлэл цацагдаад байна. Хэвлэлд гарсан шиг тийм гэмт хэрэг одоогоор бүртгэгдээгүй байна. Харин Б.Ундармаа охиныг эрэн хайх ажиллагаа үргэлжилсээр байна гэв.