624 га талбайг ойжуулахад 250 сая төгрөгийн санхүүжилт олгоно

Тус гэрээнд БОАЖ-ын сайд Н.Цэрэнбат, Өмнөговь аймгийн Засаг даргын орлогч, БНСУ-аас Монгол улсад суугаа элчин сайд Жон Жэ Нам, Ногоон хэрэм төслийн захирал Сон Ин Гён нар гарын үсэг зурсан байна. Дээрх талбайг улсын ойн санд бүртгэж, Өмнөговь аймгийн Сум дундын ойн анги хариуцан хамгаалах юм байна. Эдгээр ойжуулсан талбай, сургалтын төв, мод үржүүлгийн газрыг усалгааны иж бүрэн систем, дэд бүтэц, тоног төхөөрөмж дагалдаж байгаа бөгөөд ойролцоогоор 4.4 тэрбум төгрөгийн өртөгтэй аж. Мөн төслөөс 624 га талбайн арчилгаанд зориулан зөвхөн эхний жилийн зардал болох 250 сая төгрөгийн санхүүжилтийг олгох аж. Цаашид ч санхүүжилтийг Улсын төсөв болон орон нутгийн хөрөнгөөр шийдэх юм байна.

Уг ажил нь Монгол-Солонгос хоёр улсын Засгийн газар хамтран 2007 оноос цөлжилтөөс сэргийлэх, шар шороон шуургыг багасгах зорилгоор “Ногоон хэрэм” төслийн хүрээнд хийгдэж байна.