Нийслэлийн Хан-Уул дүүргийн иргэний хэргийн анхан шатны шүүхэд 2017 онд болсон Олимпийн чуулганаар МҮОХ нь Ерөнхийлөгчөө хууль бусаар сонгосныг хүчингүй болгох иргэн Э.Мөнх-Очирын нэхэмжлэлтэй шүүх хурал өнөөдөр хуралдсан ч иргэн Д.Загдсүрэнгээс эрх ашиг нь хөндөгдөж байгаа тул өөрийг нь гуравдагч этгээдээр татан оролцуулах хүсэлт гаргасны улмаас 3 дахь удаагаа хойшилж, шүүх хурал 4 дүгээр сарын 10-нд хуралдахаар тов гарчээ. Шүүх дээр маргаантай асуудал үүссэний улмаас МҮОХ нь жил тутам хуралдуулах ёстой гишүүдийн хурлаа 1-р сарын 25-ны өдөр зарласан ч хуралдуулж чадаагүй юм. Ерөнхийлөгч Д.Загдсүрэн нь өнгөрсөн оны 12 дугаар сар, энэ оны нэгдүгээр сард өөрийн хүсэлтээр чөлөөлөгдөх өргөдлөө өгснийг тус хурлаар хэлэлцэх тов гараад байсан билээ. МҮОХ-ноос гишүүдийн хурлыг 3 дугаар сарын 29-ний өдөр хуралдуулахаар дахин зарласан ч шүүх дээр үүссэн маргааны улмаас хуралдах эсэх нь эргэлзээтэй байна. Мөн өнгөрсөн оны 12 дугаар сард Олимпизмыг аврах хөдөлгөөн ТББ-ын тэргүүн Ч.Бат-Эрдэнээс Олон улсын олимпийн хорооны Ёс зүйн комиссын дарга Бан Ги Мүүнд хандан Д.Загдсүрэнг эрүүгийн хэрэгт ял шийтгэгдсэн тул алба хаших эрхгүй хэмээн шалгуулах хүсэлтийг гаргасан байдаг. Ер нь сүүлийн үед Олимпийн хорооны дүрэм, ёс зүйн асуудлаар дотооддоо ихээхэн маргаантай байгаа юм. Уг маргаантай байдал 2014 оноос хойш буюу МҮОХ-ны Ерөнхийлөгч Д.Загдсүрэн нь эрүүгийн хэрэгт ял шийтгэгдснээс хойш өдийг хүртэл үргэлжилсээр байна. 2020 оны Токиогийн олимпийн наадмаас өмнө маргаанаа цэгцлэхгүй бол Монгол Улсын олимпийн баг тамирчдад нөлөөлөх эрсдэлтэйг анхааруулахад буруугүй юм. 
С.Санчир

Leave a Reply

Your email address will not be published. Required fields are marked *

Previous post Алт олборлогчдын чуулган үргэлжилж байна
Next post УИХ-дахь намын бүлгүүд хуралдана

More Stories

Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа

Пүрэв Дашдорж

Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...

Монгол Улсад Нисэх хүчин үүсч хөгжсөний 100 жилийн ойг тохиолдуулан Зэвсэгт хүчний Агаарын цэргийн алба хаагчдыг Ерөнхийлөгчийн зарлигаар Төрийн одон медалиар шагналаа.

Пүрэв Дашдорж

Монгол Улсын гавьяат хэмээх эрхэм хүндтэй шагналын эзнээр: Д.Жигжид, ахмад нисгэгч, бэлтгэл дэд хурандаа Г.Сарангэрэл, ахмад нисгэгч, бэлтгэл дэд хурандаа...

Хүүхдийн байгууллага үүсэж, хөгжсөний 100 жилийн ойг тохиолдуулан төрийн дээд цол, одон, медаль гардууллаа

Пүрэв Дашдорж

Монгол Улсын Ерөнхийлөгч Ухнаагийн Хүрэлсүх Монголын хүүхдийн байгууллага үүсэж, хөгжсөний 100 жилийн ойг тохиолдуулан зарлиг гаргаж нэр бүхий эрхмүүдийг төрийн...