Орцны жижүүр хоолойгоо хэрчүүлж нас баржээ

Энэ  сарын 15-ны өдөр Баянзүрх дүүргийн нутагт орцны жижүүр ажлын байран дээрээ хоолойгоо хэрчүүлж нас барсан байдалтай байсныг олжээ.

Тодруубал, Баянзүрх дүүргийн дөрөвдүгээр хороо Монгол цэргийн музейн хажуугийн нэгэн байранд орцны жижүүр ажилтай 67 настай эмэгтэйг хоолойг нь хэрчиж онц хэрцгий аргаар амь насыг нь бүрэлгэсэн байжээ. Дуудлага мэдээллийн дагуу цагдаагийн жижүүүрийн бүрэлдэхүүн хэргийн газрын үзлэг шалгалт хийхэд орцны жижүүр эмэгтэй архи согтууруулах ундааны зүйл хэрэглэсэн үед нь амь насыг нь ноцтойгоор хохироосон байсан аж.

Хэргийг урьдчилсан байдлаар хохирогчтой хамт архи уусан гэх 39 настай Л ийг үйлдсэн байж болзошгүй нөхцөл байдал илрүүлэн шалгаж эхэлсэн байна. Хэргийн газраас хутга болон гэрэл зургыг нотлох баримтаар хураан авчээ. Дээрх хэргийг Баянзүрх дүүргийн цагдаагийн хоёрдугаар хэлтэст Эрүүгийн хэрэг нээн мөрдөн шалгаж байна.