Хууль зүйн сайд Б.Энхбаяр өмнөх Засгийн газрын үед байгуулагдсан 468 мянган фунт стерлингийн буюу 2.2 тэрбум орчим төгрөгийн дүнтэй “Нууц эвлэрлийн гэрээ”-г шалгуулахаар Цагдаагийн ерөнхий газрын дарга Ж.Болдод албан ёсоор ханджээ.
Тэрбээр “Төрийн зарим албан тушаалтнуудын талаархи сөрөг мэдээллийг бүрэн устгуулах, цаашид ижил агуулгатай мэдээллийг олон нийтэд түгээхгүй байх нөхцөлтэй ‘Нууц эвлэрлийн гэрээ’ байгуулсан байж болзошгүй асуудлыг хууль хяналтын байгууллагаар шалгуулахаар шилжүүллээ” хэмээн мэдээлсэн байна.
Уг гэрээг Л.Оюун-Эрдэнийн Засгийн газрын үед Засгийн газрын Хэрэг эрхлэх газрын тэргүүн дэд даргаар ажиллаж байсан Б.Солонгоо Английн нэр бүхий иргэдтэй байгуулсан гэх мэдээлэл байгаа бөгөөд үүнд 468 мянган фунт стерлинг зарцуулсан байж болзошгүй аж.
