ӨНДӨР ГЭГЭЭН Г.ЗАНАБАЗАРЫН МЭЛМИЙ ГИЙСНИЙ ТҮҮХТ 390 ЖИЛИЙН ОЙГ ТЭМДЭГЛЭН ӨНГӨРҮҮЛЭХ АЖЛЫН ХЭСГИЙН АХЛАГЧААР ХУУЛЬ ЗҮЙ, ДОТООД ХЭРГИЙН САЙД АЖИЛЛАЖ БАЙНА.
Өндөр гэгээн Занабазарын мэлмий гийсний түүхт 390 жилийн тэгш их ой 2025 онд тохиож байна.
Чингис хааны удам, Абтай хааны ач, соёл, урлаг, шашны томоохон зүтгэлтэн Өндөр гэгээн Занабазарын Монгол дахь анхдугаар дүрийн Жибзундамба хутагтын мэлмий гийсний түүхт 390 жилийн ойг ёслол төгөлдөр тэмдэглэн өнгөрүүлэхээр 2024 оны 12 сард Монгол Улсын Засгийн газраас ойг тэмдэглэх Үндэсний хороог байгуулсан бөгөөд тус хороог Хууль зүй, Дотоод Хэргийн сайдаар ахлуулан ажиллаж байна.
Их ойг тэмдэглэн өнгөрүүлэх ажлын хүрээнд “Өндөр гэгээн Занабазар: түүх, өв соёл” олон улсын эрдэм шинжилгээний хурлыг Чингис хаан Үндэсний музей дээр амжилттай зохион байгуулж, хурлын эмхэтгэлийг болон түүний гайхамшигт бүтээлүүдийг монгол болон бусад улс орнуудаас албан ёсны зөвшөөрлийг авч баринтаглан бүтээл болгон туурвиж “Өндөр гэгээн Занабазарын бурхдын бүтээл, Уран бүтээлийн цомог” бүтээл, “Өндөр гэгээн Занабазар: түүх, өв соёл” эрдэм шинжилгээний хурлын эмхэтгэлийг хэвлэн нийтлүүлж олны хүртээл болгож байна.
Эдгээр бүтээл нь Өндөр гэгээн Занабазарын судлалд жинтэй хувь нэмэр болохоос гадна түүний өв соёлын гайхамшигт дурсгалуудыг ЮНЕСКО-гийн өвд бүртгүүлэхэд үндсэн суурь болж өгөх юм.
