Завхан аймгийн Улиастай сумын Дэвшил сургуулийн төгсөгч Роял их сургуулийн II курсийн оюутан “Хобби эйс баг”-ийн тамирчин П.Хатанзаяа Малайз улсын волейболын лигийн тэмцээнд аваргын төлөө тоглох гэж байна.
П.Хатанзаяа нь аймгийн БТСГ-ын дасгалжуулагч Г.Ганцэцэг багшийн шавь бөгөөд волейболын спортоор 5 дугаар ангиасаа хичээллэж, Залуучуудын улсын аваргын 2 дугаар байр, хамгийн олон оноо авсан тамирчин, 2023 онд Сингапурын лигт 3 дугаар байр, шилдэг довтлогчоор шалгарч байсан. Ирэх 8 дугаар сард Япон улсад зохион байгуулагдах тэмцээнд оролцох юм.
