Стандартын шаардлагад нийцээгүй сульфатын агуулга ихтэй усыг тогтмол хэрэглэснээр хүний хоол шингээх эрхтэн тогтолцооны үйл ажиллагааны эмгэг өөрчлөлт үүсгэх тухай зөвлөмжийг Стандарт хэмжилзүйн газраар зөвлөмж гаргажээ.
Зөвлөмж: Усны агуулагдах сульфатын хэмжээ нь усны хатуулгийг тодорхойлох гол үзүүлэлтийн нэг ажээ. Хөрс чулуулгийн найрлагад байдаг хүхэрт нэгдлүүдийн уусалт, тэнд явагддаг биохимийн процессуудын дүнд байгалийн усанд сульфат нэгдлүүд бий болдог ба ахуйн болон үйлдвэрийн бохир шингэнээр бохирдуулсан үед сульфат ион ихээр илэрч болдог. Мөн бороо цасны ус ч нөлөөтэй. Байгалийн усны найрлага дахь сульфат хлоридын агуулга нь усны амт чанарт нөлөөлөх гол хүчин зүйл болдог. Хүн амийн ундны болон ахуйн зориулалтаар хэрэглэх усны сульфатын агуулга нь MNS0900:2018 стандартад заасгаар зөвшөөрөгдөх хэмжээ нь 500.0мг/л-ээс ихгүй байхыг заажээ.
Стандартын шаардлагад нийцээгүй сульфатын агуулга ихтэй усыг тогтмол хэрэглэснээр хүний хоол шингээх эрхтэн тогтолцоооны үйл ажиллагааны эмгэг өөрчлөлт үүсгэх, тухайлбал гэдэсний гөлгөр булчингийн агшилт буюу туулгах, гүйлгэх нөлөөтэй байдаг.
(Зөвлөмжийг СХЗГ-ын Нийслэлийн Лабораториос хүргэж байна)
