Хан-Уул дүүргийн зам талбайн цэвэрлэгээний байгууллагууд өдөр, шөнийн ээлжээр тасралтгүй ажиллаж, дүүргийн нутаг дэвсгэрийн хэмжээнд нийт 47 тонн давс, 78 тонн бодис цацаж, халтиргаа гулгаанаас сэргийлэн ажиллалаа.
Өдөр шөнийн ээлжээр дүүргийн зам талбайн 13 байгууллагын 160 хүн хүч, 39 цас түрэгч, 27 давс бодис цацагч, машин техникээр хариуцсан авто болон явган замуудын цэвэрлэгээ хувиарийн дагуу хийгдэж байна.
Уулын замд нийт 5тн давс цацаж, тусгай зориулалтын техникээр замын нуух руу хунгарласан цасыг түрэх, цэвэрлэгээнээс гарсан цасыг ачиж тээвэрлэх ажлууд хийгдэж байна. Зорчих хэсэг хэвийн.
Наадамчдын зам, Чингисийн өргөн чөлөө, төв зам дагуу нийт 10тн давс, бодис цацаж, явган замын үлээгч төхөөрөмжөөр цасыг хунгарлаж, мөстөхөөс өмнө үлээлгэх, хар цасыг түрэх хусах ажлууд хийгдэж байна.
