Сонгуулийн ерөнхий хорооноос НҮБ-ын Хөгжлийн хөтөлбөрийн “Шийдвэр гаргах түвшинд жендерийн тэгш байдал, эмэгтэйчүүдийн оролцоог дэмжих нь” төслийн хүрээнд хэрэгжүүлж буй залуу сонгогчдод сонгуулийн талаарх мэдлэг, боловсрол олгох “Хариуцлагатай сонгогч” сургалтыг Говь-Алтай аймагт 05 дугаар сарын 13-14-ний өдрүүдэд зохион байгууллаа.
Тус сургалтыг орон нутгаас бэлтгэгдсэн сургагч багш нар зохион байгуулсан бөгөөд аймгийн МСҮТ-ийн болон Есөнбулаг сумын 4 дүгээр сургуулийн нийт 25 суралцагч хамрагдаж сонгуулийн талаарх цогц мэдлэг, ойлголттой боллоо.
Сургалтыг хөтөлбөрийн дагуу 3 модулийн 9 хичээлийн хүрээнд сонгууль гэж юу болох, сонгох, сонгогдох эрх, сонгуулийн зарчим, сонгуульд оролцогч талууд, сонгуулийн мөрийн хөтөлбөрт дүн шинжилгээ хийх, сонгуулийн ухуулга, сурталчилгаа, хариуцлагатай сонгогч сонгуулийн өмнө, өдөр, дараа юу хийх талаар ойлголт мэдээллийг өгч, сэдэлжүүлэх болон мэдлэг бататгах дасгалыг багаар ажиллуулах, дүрд тоглуулах, хэлэлцүүлэг өрнүүлэх, галерей байгуулах зэрэг арга хэлбэрээр зохион байгууллаа.
Сургалтын төгсгөлд оролцогчдоор үнэлгээ хийлгэж, “Гэрчилгээ” гардуулан өглөө.
+ There are no comments
Add yours