Озон эмчилгээ хийлгэсэн жирэмсэн эмэгтэй амиа алдсан хэрэг өнгөрсөн сард гарчээ.
Уг эмчилгээтэй холбоотой асуудалд Эрүүл мэндийн яам анхаарал хандуулж байгаа эсэх талаарх сэтгүүлчийн асуултад Эрүүл мэндийн сайдын зөвлөх О.Батбаяр дараах хариултыг өглөө.
Тэрбээр “Тухайн асуудлыг цагдаа болон мэргэжлийн хяналтын байгууллага шалгаж байгаа. Ер нь озон эмчилгээ үр дүнтэй гэдэг нь нотлогдоогүй тул үүнтэй холбоотой эмчилгээний удирдамжийг ч манай улс батлаагүй.
Манай улс гэлтгүй бусад улс оронд ч озон эмчилгээг буруу хийснээс болж цусанд агаар орж, улмаар амь насаа алдсан тохиолдол олон гарсан юм билээ. Энэ бол ямар нэг гоо сайхны газар хамаагүй хийх эмчилгээ биш. Озон эмчилгээний асуудлаар ЭМЯ, МХЕГ хамтарсан ажлын хэсэг гарч ажиллаж байгаа бөгөөд ойрын үед зохицуулалт шийдэгдэнэ” гэв.
+ There are no comments
Add yours