БОАЖЯ: Самрын экспортыг МҮХАҮТ зогсоосныг гайхаж байна

МҮХАҮТ-аас шалтгаалж самрын бизнес эрхлэгчдийн экспорт зогсоосон талаар бид өмнө нь мэдээлсэн билээ.  
МҮХАҮТ экспортын бүтээгдэхүүн гаргадаг компаниудад гарал үүслийн гэрчилгээ олгохгүй байсаар хоёр жил орчим чирэгдэл учруулж, бараа бүтээгдэхүүний экспортыг зогсоожээ.
Тодруулбал, самрын бизнес эрхлэгчид экспортын үнэ өртөг шингээж бэлтгэсэн 2000 гаруй тонн бүтээгдэхүүнээ МҮХАҮТ-ын тодорхой тайлбаргүй, гарал үүслийн гэрчилгээ олгохгүй байгаагаас үүдэн одоог хүртэл гаргаж чадаагүй таг гацаачихсан.
Энэ талаар БОАЖЯ-наас тодруулахад, “Самрын экспорттой холбоотой зөвшөөрлийг бид цаг тухайд нь олгож байгаа. МҮХАҮТ яагаад гацааж байгааг гайхаж байна” гэсэн тайлбарыг өглөө.

Ковидын үед хил гааль хаалттай тул экспорттой холбоотой асуудал хэсэгтээ нам жим байв. Бас тэр үед (2020 онд) МҮХАҮТ эдийн засгаа хөгжүүлэх нэрээр салбарын кластер байгуулсан. Энэ хүртэлх бүх үйл ажиллагаа ёстой л бизнес эрхлэгчдээ дэмжиж байсан хэмээн аж ахуйн нэгж байгууллага болон бусад хүмүүс ч ам сайтай байдаг. Кластерийн дэргэд сан байгуулж самрын бизнес эрхлэгчдээс бүтээгдэхүүний нэг кг тутамд 3000 төгрөг санд хураалгахыг шаардсан ч бизнес эрхлэгчид эсэргүүцсэн.

эх сурвалж: zarig.mn