Наадмаар 180 орчим хүүхэд гэмтжээ

Баяр наадмын өдрүүдэд Гэмтэл Согог Судлалын Үндэсний Төв (ГССҮТ)-д осол гэмтлийн улмаас 400 орчим иргэн хандаж, яаралтай эмнэлгийн тусламж авчээ.

Долдугаар сарын 11-нээс хойш ГССҮТ-д дунджаар 380 хүн ирсэн. Үүнээс 180 орчим нь хүүхэд, үлдсэн нь насанд хүрсэн иргэд байна. Хүүхдүүд ихэнхдээ ахуйн ослын улмаас бэртэж байна. Харин насанд хүрсэн иргэдийн 50-70 хувь нь архи согтууруулах ундаа хэрэглэсэн үедээ бэртжээ. Дээр дурдсанчлан 380 иргэнээс 200 нь насанд хүрсэн хүмүүс байгаа. Түүнчлэн зам тээврийн осол, могойд хатгуулах, мориноос унах тохиолдол бүртгэгдсэн.

Тиймээс үзлэгийн тоонд огцом өөрчлөлт гараагүй. Гэхдээ долдугаар сарын 14-нөөс хойш үзлэг 20-30 хувиар нэмэгдэж эхэлсэн. Тухайлбал, энэ сарын 14-нд манай эмнэлгээр 420 хүн үйлчлүүлсэн байна.

Өдөрт 2-3 тохиолдол гарч байна. Энэ төрлийн осол гэмтэлд ихэнхдээ хүүхдүүд өртжээ. Хөдөө орон нутагт буюу баруун аймгуудаар могойд хатгуулах үзэгдэл гарч байна. Эцэг эх, асран хамгаалагчдын зүгээс хүүхдэдээ тавих хараа хяналтаа сайжруулах хэрэгтэй. Хараа хяналтгүй байдлаас үүдэн

Ахуйн ослоор бэртэх,
Гадаа тоглоомоос унаж гэмтэх,
Зам тээврийн осолд өртөх тохиолдол гардаг.
Хараа хяналт сайжрах тусам хүүхдийн осол гэмтэл буурна гэсэн үг. Ялангуяа, зуны амралтаар хүүхэд осол гэмтэлд өртөх тохиолдол 20-30 хувиар нэмэгддэг.