“Тэр гэрүүд балгас болчихсон байсан. Хүүхдүүд дарагдах эрсдэлтэй учраас нураасан”

Богд уулын аманд Дугуй цагаан орчимд байсан шавар гэрүүдийг буулгасан талаар бид өмнө нь мэдээлсэн. Энэ асуудлаар нийслэлийн Засаг даргын ахлах зөвлөх Д.Мөнх-Эрдэнэ мэдээлэл өглөө. 
Тэрээр “Дархан цаазат Богд уулын аманд барилга барьж болохгүй. Эдгээр гэрүүдэд ямар ч хамгаалалт байхгүй, хүүхдүүд тоглож байгаад дарагдах, гэмтэж бэртэх эрсдэлтэй байсан. Балгас болчихсон байсан. Бид шуурхай арга хэмжээ авсан” гэв. Тэрээр “Бид өмнө ажиллаж байсан төрийн албан хаагчдын алдааг давтахгүй. Барилгын ажил эхлүүлэх зөвшөөрөлгүй байгууллагуудын жагсаалт гарсан. ” гэлээ. 
НМХГ-ын дэд дарга С.Даваасүрэн “Айлуудын хаус яагаад байгаа юм бэ гэж асуудаг. Анх аялал жуулчлалын зорилгоор газраа авч, жуулчдыг түр хүлээж аваад отоглуулна гэсэн хэрнээ ил далд иргэдтэй гэрээ хийж худалдаалж байна” гэлээ.