Монгол Улсын Засгийн газраас хэрэгжүүлж буй гаалийн шинэчлэлийн хүрээнд уул уурхайн экспортын бүтээгдэхүүн болон хилээр нэвтрэх бараанд тавих хяналтыг сайжруулах, боомтын нэвтрүүлэх хүчин чадлыг нэмэгдүүлэх, гадаад худалдааг хөнгөвчлөх, гадаад худалдаа эрхлэгчдийн зардлыг бууруулах зорилгоор хяналт, шалгалтын тоног төхөөрөмжийг олон улсын жишигт нийцүүлэн шинэчилж байна. Энэ хүрээнд “Эрдэнэт үйлдвэр” ТӨҮГ-т БНХАУ-д үйлдвэрлэсэн SAHARA маркийн зэсийн баяжмалаас автоматаар дээж авагч, ХБНГУ-ын “J&C Бахманн” компанид үйлдвэрлэсэн TEXAS x-ray рентген флуоресцензийн шинжилгээний багаж шинээр суурилуулснаар экспортод ачигдаж буй зэсийн баяжмалын хяналтын дээж авалт болон элементийн шинжилгээг газар дээр нь шуурхай гүйцэтгэх боломж бүрдлээ. Улсын төсвийн хоёр тэрбум төгрөгийн хөрөнгө оруулалтаар хийгдсэн хяналтын иж бүрэн систем ашиглалтад орсноор зэсийн баяжмалын дээж авч шинжлэх үйл ажиллагаа бодитой, шуурхай болж, гаалийн хяналт шалгалт сайжрахын зэрэгцээ үйлдвэрлэлийн үйл ажиллагаанд дэм үзүүлэх давуу талтай, гэж Гаалийн төв лабораторийн дарга С.Цэрэнчимэд ярилаа.
Гаалийн Ерөнхий газрын Орхон аймаг дахь гаалийн лаборатори болон энэхүү хяналтын систем бүхэлдээ ашиглалтад орсноор экспортын бүтээгдэхүүний агуулга тодорхойлох, гаалийн төв лабораторийн дүгнэлт гарах, гаалийн бүрдүүлэлт хийх хугацаа багасаж, үр дүнг гаалийн хяналтад ашиглах тогтолцоо бүрдэх юм.
Зэсийн баяжмалын хяналт, шинжилгээний энэхүү иж бүрэн тоног төхөөрөмжийг анх удаа Эрдэнэт үйлдвэрт суурилуулсан бөгөөд удахгүй Оюутолгойн зэсийн баяжмалын “урсгал”-д тавихаар төлөвлөжээ.
More Stories
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
Газрын тос боловсруулах үйлдвэрийн бүтээн байгуулалт 60 хувьд хүрчээ
Монгол Улсын Ерөнхийлөгч Ухнаагийн Хүрэлсүх Дорноговь аймагт ажиллах үеэрээ Газрын тос боловсруулах үйлдвэрийн бүтээн байгуулалтын явцтай танилцав. “Чингис хаан баялгийн...
Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо
Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...
