Хаврын хуурайшил, салхи шуургатай үед иргэд шар өвс шатааснаас үүдсэн гал түймэр гарах нь ихсэж буй. Яг одоо нийслэлийн Чингэлтэй дүүргийн 17 дугаар хорооны нутаг дэвсгэрт шар өвс шатаасны улмаас гал түймэр гарч байна.
Иргэдийн санамсар болгоомжгүй байдлаас үүдэн хашаандаа өнжмөл шар өвс, ногоо шатаасны улмаас өөрийн болон бусдын эд хөрөнгөд хохирол учруулах, цаашлаад ногоон бүс галд өртөх эрсдэлийг дагуулж байгаа юм. Иймд иргэд татсан тамхи, асаасан гал цог, нурмыг бүрэн унтраах, халуун үнс, нурмыг таглаа бүхий нүх, саванд хийхийг анхааруулж байна.
Хашааны өнжмөл өвсийг шатааж, ил гал гарган иргэд, олон нийтэд хохирол учруулсан тохиолдолд, Зөрчлийн тухай хууль тогтоомжийн дагуу торгууль тооцож, учирсан хохирлыг нөхөн төлүүлдэг аж.
+ There are no comments
Add yours