Эрүүл мэндийн чиглэлийн тусгай зөвшөөрлийг цахим хэлбэрт шилжүүлж байна

Эрүүл мэндийн яамнаас Эрүүл мэндийн чиглэлийн тусгай зөвшөөрлийн үйл ажиллагааг цахим хэлбэрт шилжүүлэх ажлыг эхлүүлж байна. Энэ хүрээнд Эм, эмнэлгийн хэрэгслийн хяналт, зохицуулалтын газар эм, эмнэлгийн хэрэгсэл ханган нийлүүлэх Тусгай зөвшөөрлийн зохицуулалтын үйл ажиллагааг цахимжуулж, ил тод байдлыг хангаж ажиллахаар бэлтгэл ажлуудыг хэрэгжүүлж байна.

Аж ахуйн нэгж байгууллагууд https://tzmoh.gov.mn хаягаар программд хандаж тусгай зөвшөөрлийн хүсэлтийг ирүүлэх, шийдвэрлэлтийн явцыг харах боломжтой болж, үйлчлүүлэгчдийн цаг хугацаа, чирэгдлийг багасгах дэвшилттэй үйлчилгээ болох юм.

Иймд 2022 оны 04 дүгээр сарын 18-ны өдрөөс эхлэн 07 дугаар сарын 01-ний өдрийг дуустал программын туршилтын үйл ажиллагаа хийгдэж, Тусгай зөвшөөрлийн хүсэлтийг цаасаар болон цахимаар хүлээн авч, шийдвэрлэнэ.