МИАТ: “Ирэх сарын 1-нээс нислэгийн тийзний үнийг хувааж төлөх боломжтой болно”

Үндэсний агаарын тээвэрлэгч МИАТ ТӨХК болон Финтек & Блокчэйн технологийн хосолсон үйлчилгээ үзүүлэгч Storepay нар хамтын үйл ажиллагаагаа эхлүүлжээ.

Ингэснээр хэрэглэгч, үйлчлүүлэгчид бүх төрлийн нислэгийн тийзээ ямар ч хүү, шимтгэл, нэмэлт төлбөргүйгээр хуваан төлөх нөхцөлөөр худалдан авах боломжтой болж байна. Стор Пэй ХХК нь хэрэглэгчдэдээ худалдан авалтын хуваан төлөх хамгийн таатай нөхцөлүүдийг санал болгодог бөгөөд энэхүү шинэ нэвтрүүлэлт нь хил хязгааргүй аялах боломжийг бүрдүүлж байна. Storepay Апп ашиглан хэрэглэгчид нислэгийн тийзээ 45 хоногт 4 хуваах, 60 хоногт 3 хуваах, 4 сард 5 хуваах зэрэг ямар ч хүү шимтгэл, нэмэлт төлбөргүй нөхцөлүүдээр худалдан авах боломжтой. Энэхүү хамтран ажиллах гэрээ нь 2022 оны 4 сарын 1-нээс эхлэн МИАТ ТӨХК-ийн Тасалбар түгээврийн төвүүдээр хүчин төгөлдөр хэрэгжиж эхэлнэ гэж МИАТ-аас мэдээллээ.