Голын мөс цөмөрсөн 16 удаагийн осол гарчээ

Энэ он гарсаар 16 удаагийн гол, нуурын мөс цөмөрсөн дуудлагаар Онцгой байдлын алба хаагчид есөн иргэний амь насыг авран хамгаалжээ.

Монгол орны бүх гол мөрөн, нуур тогтвортой мөсөн бүрхүүлтэй байгаа хэдий ч зарим голын дунд болон адгаар мөсний зузаан өмнөх арав хоногоос 5-15 см нимгэрсэн гэдгийг Цаг уурын байгууллагаас мэдээлж байна.

Цаашид мөсний үзэгдэл эрчимжиж мөс нимгэрч хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхаарууллаа.

Эх сурвалж: Онцгой байдлын ерөнхий газар