Гал түймрийн улмаас хоёр иргэн өртөж нас барсан байна

Нийслэлийн онцгой байдлын газрын алба хаагчид 2022 оны хоёрдугаар сарын 20-27-ны өдрийг хүртэлх хугацаанд Гал түймэр унтраах, аврах ангиуд гал түймрийн 40 удаагийн дуудлагаар үүрэг гүйцэтгэн ажилласан байна. Энэ хугацаанд нэг тэрбум 235 сая төгрөгний өмч хөрөнгийг авран хамгаалжээ. Харин гал түймэрт хоёр иргэн өртөж нас барсан байна. 2021 он болон 2022 оны дуудлагыг харьцуулвал гал түймрийн дуудлага 30.4 хувиар өссөн дүнтэй байна гэж Онцгой байдлын газраас мэдээллээ. Харин аврах ажиллагааны дуудлага 25 хувиар өсжээ.