С.Энхболд: Омикроны тохиолдол нэмэгдэж байгаа ч хөл хорио тогтоохгүй байх чиглэл барьж байна

Дөнгөж сая Эрүүл мэндийн сайд С.Энхболд шуурхай мэдээлэл хийлээ. Тэрбээр нэгдүгээр сарын 9-ны өдрийн байдлаар шинжилгээгээр омикроны 5 тохиолдол албан ёсоор бүртгэгдсэн. Сүүлийн үед халдварын тохиолдлын тоо нэмэгдсэн. Энэ нь сүүлийн нэг сарын хугацаанд хөдөлгөөний эрч огцом нэмэгдсэн, тэмдэглэлт баяр өргөн хүрээнд хийгдсэн нь халдварын тохиолдол нэмэгдэх шалтгаан болсон гэв. Вакцинд хамрагдах иргэдийн идэвхи сайн байгаа бөгөөд гуравдугаар тунг нийт иргэдийн 25 хувь нь хийжээ. Өнөөдрийн байдлаар 2000 гаруй иргэн дөрөвдүгээр тундаа хамрагджээ. 
Халдварын дөрөвдүгээр давалгаа томуу, томуу төст өвчиний дэгдэлттэй зэрэгцэж байгаа нь эмнэлгийн орны ачаалал нэмэгдэхэд нөлөөлж байна гэлээ. Гэсэн ч цаашид хөл хорио тогтоохгүй даван туулахын тулд ажиллана гэв.